föstudagur, 8. ágúst 2008

Í kantónunni Geneve (lesist sjö-nef) hafa forvitnir menn byggt stærðarinnar eindahraðall sem er nú bara gott og blessað, nema hvað að talið er að eftir að hafa fundið svarið svarið við spurningunni stóru um lífið, alheiminn og hvaðeina muni þessir fróðu herrar hverfa ofan í svarthol sem ku myndast í kjölfar uppátækisins. Ljenzherrann væri nú svo sem ekki að skipta sjer af svona löguðu ef að hann væri ekki í prófum og verra að hafa ekkert betra til að hlakka til, eftir margar vikur af kaffisvita og viðurstyggð, en að sogast svo barasta ofan í svarthol. Þetta er jú kanski meira töff en að drepast úr hinum dularfulla sjúkdómi Jójó-úf (uvula-yoyoensis), en samt ekki beint hvatningin sem hann þarf á að halda í stífum próflestri.

Eitt af því fáa sem læknavísindin geta gert til líknar jójó-úfs-sjúklingum, er að þyngja úfinn. Slíkt linar þó einungis þjáningar að hluta en dempar sveiflurnar talsvert þannig að talsvert minni líkur eru á því að sjúklingurinn gleypi úf sinn. Margir þessara sjúklinga hafa síðan horfið sporlaust er þeir toguðust ofan í eigið kok eftir að hafa gleypt þetta dinglumdangl.

10. september verður græjan sett af stað og þykir Ljenzherranum vissara að lífa lífinu út í yztu æsar þangað til. Ekki nóg með að Ljenzherrann sje hættur bæði að ryksuga og skúra heldur gerði hann sjer lítið fyrir og hjólaði út í Lamborghiniumboðið og fjekk sjer einn Murciélago á kaupleigu til 96 mánaða. Fyrsta greiðsla í október.

Engin ummæli: