laugardagur, 2. febrúar 2008

Saga til næsta bæjar.
Ljenzherrann fór í gær í leiðangur með það að markmiði að greiða húsaleigu og að afla nýlenduvara.

Í bankanum gekk allt smurt fyrir sig og vinalegi gjaldkeraróbótinn RapidGeld-Seðlómat*, gekkst við öllum þeim pjening sem Ljenzherrann mataði hann með. Það var hins vegar í nýlenduvöruverzluninni Migros, er Ljenzherrann var búinn að velja sjer nýlenduvörur af stakri kostgæfni og beið í röð við einn hinna 20 afgreiðslukassa, að hann tók eftir því að maðurinn fyrir framan sig var alveg sláandi líkur einhverjum sem hann átti að kannast við. Ljenzherrann hafði enn sem komið var einungis rekist einn einasta Íslending á svissneskum förnum vegi, og taldi sig hafa fundið enn einn Doppelgänger íslenskrar persónu (Egill Ólafsson virðist til dæmis vera til í anzi hreint mörgum eintökum víðsvegar um heiminn). En þegar þessi mann þakkaði svo fyrir sig með sannkölluðu stórtenórs-Danke (með temmilegu víbratói og kurteisislegri snarstefjan) hrökk Ljenzherrann í kút.

Á dauða sínum átti Ljenzherrann von á, en að sjá sjálfan Garðar Thór Cortes í Migros Oerlikon tók út fyrir allan þjófabálk.

* RapidGeld-Seðlómat er skrásett vörumerki í eigu GjeErrVaff Robotertechnik AG

Engin ummæli: