föstudagur, 23. janúar 2004

Ljenzherrann heyrði í gærkveldi Gerði G. Bjarklind stynja út úr sjer auglýsingu fyrir Happadrætti Háskólans, eitthvað er kellingin farin að klikka á áherslunum því hún sagði:

"fimmtán miða eigendur, fá milljónir á morgun, Happadrætti Háskóla Íslands"

í stað:

"Fimmtán miðaeigendur fá milljónir á morgun, Happadrætti Háskóla Íslands"

Er þá ekki bara um að gera að kaupa sjer fimmtán miða og fá milljónir? Ljenzherrann er hinsvegar á þeim buxunum að það ætti bara að fara að leggja kerlingunni vegna hárrar elli enda man hann ekki eftir því alla sína hunds og kattar tíð að hafa heyrt aðra rödd en hennar í Gufunni.

Kanski hún hafi einhverntíman verið tekin upp í skuld og muni því verða þar þangað til hennar eigin nafn verður lesið í Dánarfregnum og jarðarförum.

"Nú koma Ítalskir söngvar . ... .... .... .... .... .... .... ....eftir Ottorino Respighi .... .... .... .... .... ... .... ... það er Vínarsinfónían .... .... .... sem leikur undir."

Frægðarsól hennar reis að Ljenzherrans mati hæst í eftirfarandi auglýsingu:

"Bændur og búalið athugið ... ... ... ... ný sending af "Ingólfssen" heyvinnutækjum var að koma í hús ... ... .... nú er lag ........ Búvjelar."

Svo má einnig athuga það að gera kellinguna bara upp, skipta um kjálkalegur, smyrja tunguna, skella í hana nýjum raddböndum og láta hana duga í önnur 150 ár.

Engin ummæli: