laugardagur, 27. september 2008

Enn af leikjafræði
Ljenzherrann var ekki á eitt sáttur varðandi eitt sýnidæmið sem boðið var upp á í þessum fyrirlestri. Þótti honum óskilyrtum líkindum víxlað við samvizkulaus t á við skilyrt og eftir tímann huggðist hann herma þetta upp á prófessorinn og málstað sínum til fulltingis bauð hann upp á klókindalegar útleiðslur með vönduðum útreikningum, framkvæmdum á forritanlegum vasareikni sínum. Prófessor þessi, sem hafði í kynningu sinni tilkynnt að doktorsgráða sín væri á sviði samningarviðræðna, tók þessarri áskorun með einstaklega yfirveguðum hætti.

Skemmst er frá því að segja að Ljenzherrann yfirgaf þessa konfrontasjón ekki einasta fullkomlega sáttur við þá útskýringu sem prófessorinn gaf, heldur hafði hann einnig samið af sjer vasareikninn sinn, Texas Instruments TI-89, í skiptum fyrir hlandvolgan og hálfdrukkinn machiatone, framreiddan af SELECTA-sjálfsala í frímínútunum áður.

En af deginum í dag...


Þessi kona var fyrir löngu búin að ákveða að sitja í þessari tannstangarlest


Sjihlbehrrrrr (Gilbert) leitar að dagbók í vösum sínum á laugardegi,
svissnesk hvunndagstilvera í hnotskurn


Sjeð ofan í dal, í hverjum samvizkusamir svissneskir einstaklingar halda nákvæmar dagbækur um væntingar sínar, vonir og umfram allt skuldbingingar


Neðarlega sjást tveir einstaklingar að gangi, samkvæmt fráteknum tíma í dagbók


Lestarstöðin "Eigergletscher" hjeðan ganga lestir skv. fyrirfram ákveðinni dagbók


Þetta miðlunarlón, sem nýtt er til snjóframleiðslu er fyllt og tæmt skv. dagbók lónsins sjálfs



Svo lítur göngustígsmerking út, eftir hverri menn fara eftir, skv fráteknum tíma í dagbók


Skugginn færist eftir sólarganginum, hverjum fletta má upp í vandaðri dagbók


Útlendingar í skugga


Permafrost eða tundra


Frosin jurt berst við haustið, slíkur gróður þekkir baráttu, en enga dagbók


Maður skoðar kort og hefir breitt það út í stakri örvinglan, enda á hann að vera einhverstaðar eftir tíu mínútur, skv. dagbók


Gletscherschlucht, hjeðan á að koma hamfaraflóð mikið í ófyrirsjáanlegri framtíð, sem því miður er ekki hægt að skrá í dagbók

En Ljenzherrann er ekki einn um það að vera æðislegur, Tom Waits er búinn að vera það lengi.





Hlæjið að Ljenzherranum, en horfið á Tom Waits.

Engin ummæli: