föstudagur, 6. júní 2008

Þar sem að mórallinn í sprenginámskeiðinu hrundi gersamlega við brotthvarf Ljenzherrans var honum auðmjúklega að vera áfram með. Í dag var farið í námu hjá sementsverksmiðju hjer í sambandsríkinu Helvetíu þar sem ætlunin var að sprengja einhvurn fjárann. Allir fengu sinn hnullung og var gert að reikna út hversu mikið af sprengiefni þyrfti til að breyta honum í möl. Slíkt gerði Ljenzherrann ákaflega samvizkusamlega og reiknaðis honum til að hálft bjúga af Tovex SE dygði og vel það. Fyrir forvitnissakir tróð hann reyndar tveimur túpum ofan í steininn og ritaði síðan á hann "Með kveðju frá Jörðinni." Þetta ritaði hann á íslenzku því ekki gerir hann ráð fyrir því að enska sje útbreiddari á alheimsvísu, alltjent ekki svo að nokkru nemi. Ljenzherrann skipaði síðan sjerþjálfuðum launfálka sínum að sitjast á stein nálægt herlegheitunum og taka VIDEO af öllu saman og hljóp að því loknu í var. Afraksturinn er ljómandi, enda fálkinn vel þjálfaður til eftirlitsstarfa, og gefur um leið innsýn inn í hinn lítt þekkta heim leðurblaka.


Engin ummæli: