miðvikudagur, 30. janúar 2008

Ljenzherrann dreymdi í nótt:
1 Þriðju aðferðina til að meta og bera saman svefn með óyggjandi hætti.

2 Upptalningu fremur sóðalegs manns á öllum notendavænum Linux stýrikerfum.



3 Graf sem Ljenzherrann túlkaði með ótvíræðum hætti sem svo að tilurð sáðláts hafi uppsöfnuð áhrif á andlega heilsu þess sem til þess stofnar.

Sýnu verst fór geðheilsan út úr því ef menn færðu sjer gagnstæðan þumal í nyt og verkuðu sjálfa sig til sáðláts með lotubundinni innanhandarnuggun penisskapts, örlítið skárra þótti ef sáðgjöf stafaði af kápunúningi (Mantelreibung) getnaðarlims við leggangnaveggi getnaðarvarins legs, en andlegri heilsu ku engin hætta stafa af kynferðismökum við frjóa, óvarða og sjer gifta kvenpersónu.

Graf þetta er reyndar einnig að finna í fyrirlestrarglósum Ljenzherrans úr aflfræði III, en í því samhengi lýsir það sambandi eigingilda hómógenískrar lausnar afleiðujöfnu við Lehr-ska dempun, en í svefni virðist kaþólsk túlkan á kynhegðan laumast bakdyramegin inn í þetta völundarhús drungalegra ranghala sem höfuð Ljenzherrans nú er.

Sem akademiker þykir Ljenzherranum við hæfi að draga lærdóm af ofantöldu, en hann væri helstur sá að öll líkön sjeu einföldun á raunveruleikanum, enda vanti inn í þetta graf andleg áhrif sáðláts tilkomnu vegna kynferðislegrar umferðar einstaklinga, af sama kyni eða gagnstæðu, um holrými ætluðum einstefnu, nema hvoru tveggja sje.

Engin ummæli: