föstudagur, 14. desember 2007

Draumkvenda-Gvendur.
Ó þvílíkur munur það er, að geta loksins sofið í þögn, en ekki í næfurveggjasíuuðum hasarmyndaóhljóðum sem bergmála inn í draumheima, en draumfarir Ljenzherrans undanfarið árið hafa rímað ákaflega vel við næturdagskránna hjá RTL, Pro7 eða Bæverska ríkissjónvarpinu. Ljenzherrann hafði því varið nóttum sínum hangandi utan í háhýsum, stöðvandi flugrán, framkvæmandi bráðauppskurði í ákaflega æsilegum bílaeltingaleikjum nú eða þá sýnandi fram á ótvíræða kosti ákveðinna töfrahreinsiefna og skurðhnífasetta. Ljenzherrann getur þó, eins og áður hefir verið greint frá, tekið völdin í eigin draumum, hagað þeim eftir hentisemi og drýgt hinar meztu hetjudáðir. Þannig er honum unnt að gera hið bezta úr aðstæðum hverju sinni, en verra var þó að þetta skapaði Ljenzherranum óþarflega mikinn þvott á rúmfatnaði því karlófjetið var einnig með allar erótísku stöðvarnar, og þaðan rataði sitthvað í draumana líka.

Engin ummæli: