þriðjudagur, 25. október 2005

Það er ískaldur mánudagsmorgun og þúsundir bíla bíða eigenda sinna spakir, með hjelaðar rúður. Ljenzherrann af Kaffisterkt langar ekki út og bölvar þessu veraldlega amstri sem truflar hann frá því að haga sjer eins og honum sýnist. Ljenzherrann fussar og sveiar og hugsar um nærbuxnaþjóðfjelagið sitt, sína eigin útópíu.

Í gær var miðbærinn kjaftfullur af konum í vígahug og ef til vill hafa einhverjir annálaðir veraldardólgar og glaumgosar sniglast þarna um, í von um góða veiði. Ljenzherranum fannst þó kátbroslegt að á meðan Íslands ágætu konur steyttu hnefa á Lækjartorgi í von um sambærileg laun við karla, voru strákarnir í Landhelgisgæslunni rétt fyrir utan landsteinana að leika sér með þyrlurnar sínar og varðskipin, er til eitthvað meira karlkyns?

Engin ummæli: