þriðjudagur, 14. júní 2005

Eitt sinn nagli-Núna blók
Ljenzherrann af Kaffisterkt er nú á Jómfrúardögum sínum í nýrri vinnu, allir vita jú hve pínlegt það er. Kurteisi og vandræðalegheit einkenna allt fas Ljenzherrans þessa daganna þar sem hann situr eins og illa gerður hlutur við skrifborð sitt og bíður þess og vonar að hann fái brátt verkefni að vinna svo hann geti hætt að þykjast að vera að lesa bölvaða gæðahandbókina.

Ljenzherrann er þó ekki einn um þá pínu sem fylgir nýju starfi. Einn Ljenzherrans kumpán var einnig að byrja í nýrri vinnu en hann var ráðinn í gamalmennaskeiningar á ónefndum stað. Ótrúlegt en satt kvartar hinn nýráðni garnarhreinsir einnig yfir verkefnaleysi.

Ljenzherrann birtir hjer brot úr msn-samtali við ,,Lamba"

Lambi segir:
ég er búinn að taka það hlutverk að mér að vera skuggi e-a kellinga þarna uffffrá, elti þær þar sem þær mata og skeina. en fæ sjálfur ekki að gera neitt!!!!
ég er búinn aðvera að væflast í samtals 16 tíma!!!


Ljenzherrann segir:
o sei sei

Lambi segir:
Svo fékk ég nog af aðgerðaleysinu í dag, tók einn gamlann kall, kippti brókunum niður um hann og skeindi á honum rassgatið!!!!

Ljenzherrann segir:
Og hananú!

Lambi segir:
Já!!! Og skellti á hann bleyju í leiðinni!!!

Kanske er gæðahandbókin bara ekkert svo slæm...

Engin ummæli: