fimmtudagur, 13. maí 2004

Kynjamisrjetti
Laglegar stúlkur komast framfyrir biðraðirnar á skemmtistöðum og drekka jafnvel frítt heilu og hálfu kvöldin fyrir fleiri þúsundir króna.. ..En allra mestu hlunnindin sem myndarlegum piltum hljótast eru að fá stærsta snúðinn í bakaríinu eða etv. "bland í poka" fyrir 150 þegar þeir biðja um fyrir 100...

Ljenzherrann er búinn að vera forkunnarlatur (og þið sem hjelduð að miskunn, vorkunn og forkunn væru bara notuð í stafsetningarstílum) í yfirstandandi prófum og meðal þess sem hann hefur gert í leiðindum sínum er að kaupa sjer tvo rafmagnsgítara af "internetinu" og bíl.

Í prófunum er "Internetið" fyrir Ljenzherranum það sama og rjómaísinn er fyrir feitabolluna, hvorugur hættir fyrr en að hann er búinn að fá algert ógeð á sjálfum sjer. Þá gerir feitabollan heiðarlega tilraun til að fara út að skokka, en Ljenzherrann bölvar í skegg sjer og rífur plastið utan af bókunum sínum.

Þrátt fyrir fögur fyrirheit og háleit markmið drífur feitabollan ekki lengra en útí ísbúð þar sem hún kaupir sjer ís í boxi númer þrjú með heitri súkkulaðisósu. Á sama tíma er Ljenzherrann djúpt sokkinn í "ebay" og lemur hnefanum í borðið og blótar þegar hann kemst að því hvað þurfi að borga fyrir áritaða mynd af Donovan nú til dags.

Engin ummæli: